Жм, 19.12.2014 Астана уақыты:13:16

Республикалық нейрохирургия ғылыми орталығы

«Республикалық нейрохирургия ғылыми орталығы» АҚ міндеті алдыңғы қатарлы медициналық технологиялардың негізінде жоғары сапалы нейрохирургиялық көмек көрсету. Сондай-ақ, медициналық қызмет көрсетудің әлемдік сапа стандарттары мен халықаралық медициналық менеджментті іске қосу, нейрохирургия саласында қолданбалы ғылыми зерттеулерді өткізу, солардың негізінде тиімді емдеу жолдарын қарастыру және енгізу, нейрохирургиялық көмекті ұйымдастырудың заманауи формаларын кіргізу, нейрохирургия саласындағы мамандардың ғылыми-әдістемелік тұрғыда қайта даярлау арқылы жұмыс сапасын арттыру көзделуде.  

Орталықтың құрамына 7 клиникалық бөлім кіреді: 

1. орталық жүйкесі жүйесінің патологиясы бөлімі 

2. жалпы нейрохирургия бөлімі

3. тамыр және функционалды нейрохирургия бөлімі 

4. арқа нейрохирургиясы мен перифериялық жүйке жүйесі патологиясы бөлімі 

5. балалар нейрохирургиясы бөлімі

6. нейрореабилитация бөлімі 

7. жедел нейрохирургия бөлімі 

Орталық заманауи компьютерлік және магниттік-резонансты томограф, Siemens фирмасының ангиографы және электроэнцефалографы, Nihon Koden фирмасының электромиографы секілді диагностикалық құрал-жабдықтармен қамтамасыз етілген.  Орталықта бірегей операциялар жасалады. Мәселен, бас сүйекте пайда болған ісікті трансназальды түрде алып тастау, ми тереңінде орналасқан ісікті нейронавигационды жүйе арқылы жою, микрохирургиялық жолмен ми тамырларының аневризм дертін емдеу, ми тамырларының аневризм дімкәстігін эндоваскулярлы хирургиялық тәсілмен емдеу, ми мен жұлынға, сегізкөзге түрлі эндоскопиялық  операциялар жасау.  Перифериялық  жүйкені микрохирургиялық тәсілмен тігу меңгерілді. Сегізкөз жұмысын имплантациялық жүйемен қалыпқа келтіру реттелді. Гидроцефалия дертіне шалдыққан сәбилерге эндоскопиялық операциялар жасалады. Нейрореабилитациялық көмек заманауи нейропластикалық принциптерге негізделеді. Ол дегеніміз неврологиялық дисфункцияның кесірінен дене қозғалысын реттеу психологиялық көмекпен ұштасады. Бұл науқастардың бейімделуіне толықтай әсер етеді. 





Тұрақ

Тізімге оралу